РАЗЛИЧНИТЕ АСПЕКТИ ЗА ГРАДЕЊЕ НА ПОЛИЦИСКИОТ ИНТЕГРИТЕТ ВО ФУНКЦИЈА НА РАЗВОЈОТ НА МАКЕДОНСКАТА ПОЛИЦИЈ

Спасовска, Елена (2024) РАЗЛИЧНИТЕ АСПЕКТИ ЗА ГРАДЕЊЕ НА ПОЛИЦИСКИОТ ИНТЕГРИТЕТ ВО ФУНКЦИЈА НА РАЗВОЈОТ НА МАКЕДОНСКАТА ПОЛИЦИЈ. /.

Text Elena-Spasovska-m-r-teza-finalna.pdf Download (1MB)

Abstract

Интегритетот може да се дефинира како усогласување на однесувањето со она што
знаете дека е правилно. Личноста со интегритет покажува принципиелна посветеност на
вредностите и верувањата. Таквата личност секогаш настојува да ги изразува етичките
стандарди и да ја прави вистинската работа без оглед на околностите. Автентичноста е сржта
на интегритетот, во смисла дека внатрешните уверувања остануваат конзистентни без оглед
на надворешните услови. Интегритетот значи да се биде искрен, но искреноста не секогаш
покажува интегритет. Разликата е во внатрешната посветеност да се биде доверлив и да се
пренесе вистината без измама.
Во контекст на полициската работа, интегритетот е од фундаментално значење. Тој
се однесува на етичките и професионалните стандарди што треба да ги почитуваат
полициските службеници. Ова вклучува искреност, транспарентност, отчетност, почитување
на законот и етичките кодекси, како и избегнување на корупција, злоупотреба и недолично
однесување. Полицискиот интегритет е суштински за одржување на довербата на јавноста
во полицијата и во функционирањето на правниот систем.
Главна цел на овој труд ќе биде согледувањето на различните аспекти за градење на
полицискиот интегритет во функција на развојот на македонската полиција, како и односот
помеѓу полицискиот интегритет и професионалноста на полициските службеници во
Министерството за внатрешни работи (МВР). Поточно, трудот ќе има за цел да испита како
почитувањето на етичките стандарди и принципите на интегритет од страна на полициските
службеници можат да влијаат на нивните перформанси, довербата на јавноста и
легитимноста. Истражувањето ќе ги анализира и факторите кои придонесуваат за
зајакнување на полицискиот интегритет, како што се политиките за селекција и обука,
внатрешни дисциплински мерки и механизми за надворешен надзор. Дополнително, трудот
ќе ги истражи предизвиците и бариерите за одржување на полицискиот интегритет и како
тие влијаат на полицискиот професионализам. Генерално, целта на истражувањето ќе биде
обезбедување сеопфатно разбирање за улогата на полицискиот интегритет во
промовирањето на професионализмот кај полициските службеници, како и идентификување
на потенцијалните области за подобрување.
Клучни зборови: интегритет, полиција, перформанси, истражување

Item Type:	Other
Subjects:	Scientific Fields (Frascati) > Social Sciences > Law Scientific Fields (Frascati) > Social Sciences > Political science Scientific Fields (Frascati) > Social Sciences > Other social sciences
Divisions:	Faculty of Security
Depositing User:	Ms. Olivera Trajanova
Date Deposited:	02 Sep 2025 11:09
Last Modified:	02 Sep 2025 11:09
URI:	https://eprints.uklo.edu.mk/id/eprint/11034

Actions (login required)

View Item