Petrovska, Valentina (2026) ЕФИКАСНОСТ И ЕФЕКТИВНОСТ НА КРИМИНАЛИСТИЧКИТЕ ИСТРАГИ ВО НАДЛЕЖНОСТ НА ОДДЕЛОТ ЗА ВНАТРЕШНА КОНТРОЛА, КРИМИНАЛИСТИЧКИ ИСТРАГИ И ПРОФЕСИОНАЛНИ СТАНДАРДИ. Valentina Petrovska. (In Press)
Full text not available from this repository.Abstract
Овој магистерски труд ја анализира ефикасноста на криминалистичките истраги во
функција на справување со криминалното однесување на лица со полициски овластувања,
со посебен фокус на улогата на Одделот за внатрешна контрола, криминалистички истраги
и професионални стандарди во рамките на Министерството за внатрешни работи.
Истражувањето има за цел да ги идентификува клучните фактори кои влијаат врз
откривањето, расветлувањето и процесуирањето на кривични дела сторени од полициски
службеници, како и да ја процени ефикасноста на институционалните механизми за
внатрешна контрола.
Во истражувањето се применети повеќе научни методи, меѓу кои нормативниот,
дескриптивниот, статистичкиот и компаративниот метод, како и методот на анализа на
содржината. Емпирискиот дел од истражувањето се базира на анкетно истражување
спроведено со 46 испитаници и насочени интервјуа со 9 испитаници кои имаат
професионално искуство во областа на криминалистичките истраги и институционалната
контрола.
Резултатите од истражувањето покажуваат дека злоупотребата на службената
положба и овластување претставува една од најчестите форми на криминално однесување
на полициските службеници. Исто така, криминалните дејствија најчесто се поврзани со
злоупотреба на службените овластувања, пристапот до службени информации и
институционалното влијание. Резултатите покажуваат дека професионалниот капацитет на
вработените, нивната стручна подготовка и достапноста на технички ресурси претставуваат
значајни фактори кои влијаат врз ефикасноста на криминалистичките истраги.
Истражувањето исто така укажува на значајната улога на Одделот за внатрешна
контрола, криминалистички истраги и професионални стандарди во откривањето и
процесуирањето на случаи на злоупотреба на службената положба, како и на потребата од
континуирано унапредување на институционалните капацитети, со цел подобрување на
ефикасноста на криминалистичките истраги и зајакнување на довербата на јавноста во
полициските институции.
Клучни зборови: криминалистички истраги, злоупотреба на службена положба, полициски
службеници, внатрешна контрола, ефикасност, институционална одговорност, владеење на
правото.
| Item Type: | Other |
|---|---|
| Subjects: | Scientific Fields (Frascati) > Social Sciences > Educational sciences Scientific Fields (Frascati) > Social Sciences > Law Scientific Fields (Frascati) > Humanities > Other humanities Scientific Fields (Frascati) > Social Sciences > Other social sciences |
| Divisions: | Faculty of Security |
| Depositing User: | Ms. Olivera Trajanova |
| Date Deposited: | 14 Sep 2026 10:17 |
| Last Modified: | 14 Sep 2026 10:17 |
| URI: | https://eprints.uklo.edu.mk/id/eprint/11781 |
Actions (login required)
 |
View Item |