наслов “Акцизите како инструмент на фискалната политика и влијанието на шверцот врз буџетот на Република Северна Македонија”

Насески, Дарко (2026) наслов “Акцизите како инструмент на фискалната политика и влијанието на шверцот врз буџетот на Република Северна Македонија”. Masters thesis, Faculty of Economics - Prilep.

Text Izvestaj za ocenka na prijava Darko Naseski.doc Download (100kB)

Abstract

Акцизите претставуваат специфичен вид на индиректни даноци кои државата ги наметнува на одредени производи, како што се алкохолот, тутунот, горивата и луксузните добра. Тие се важен инструмент на фискалната политика, бидејќи покрај тоа што обезбедуваат значајни приходи во државниот буџет, имаат и регулаторна улога. Преку нивното зголемување или намалување, државата може да влијае врз потрошувачката на одредени производи, особено оние што имаат негативни ефекти врз здравјето или животната средина. На тој начин, акцизите не служат само за финансирање на јавните расходи, туку и за остварување на пошироки економски и социјални цели.
За да се избегнат законските обврски за плаќање акцизи, царини и други даноци, многу често се прибегнува кон шверц односно нелегално внесување, изнесување или трговија со стоки преку граница. Преку шверцот, стоките се пренесуваат или продаваат без да се пријават кај надлежните органи, што го прави овој процес незаконски. Шверцот, најчесто се однесува на производи како цигари, алкохол, гориво, но може да вклучува и други стоки и нанесува штета на државата преку губење на буџетски приходи, а истовремено создава нелојална конкуренција за легалните бизниси. Со избегнувањето на плаќање даноци, царини и акцизи, нелегалната трговија доведува до значително намалување на јавните приходи, што ја ограничува способноста на државата да финансира јавни услуги како образование, здравство и инфраструктура. Според тоа шверцот претставува сериозен економски и општествен проблем кој има директно негативно влијание врз државниот буџет и неговото сузбивање е клучно за одржување на фискалната дисциплина и заштита на економскиот развој.

Item Type:	Thesis (Masters)
Subjects:	Scientific Fields (Frascati) > Social Sciences > Economics and Business
Divisions:	Faculty of Economics
Depositing User:	Mr Dimitar Risteski
Date Deposited:	21 Oct 2026 04:33
Last Modified:	21 Oct 2026 04:33
URI:	https://eprints.uklo.edu.mk/id/eprint/11911

Actions (login required)

View Item