АНАЛИЗА НА ТРОШОЦИ И ДОБИВКИ ОД ОПТИМИЗАЦИЈА НА ЈГПП ВО ТЕТОВО

Verica, Danchevska and Merita, Mustafai (2026) АНАЛИЗА НА ТРОШОЦИ И ДОБИВКИ ОД ОПТИМИЗАЦИЈА НА ЈГПП ВО ТЕТОВО. Doctoral thesis, Faculty of Technical Sciences Bitola.

Text (Doctoral Disertation) MERITA_MUSTAFAI- DOKTORSKA DISERTACIJA.pdf - Accepted Version Download (7MB)

Abstract

Транспортот е одлучувачки фактор во модерната економија. Но постојано има
спротивставеност во општеството во однос на приоритети како и во однос на одлучување
во корист на една работа на штета на некоја друга. Поради вакви појави е потребна поголема
флексибилност на јавното мислење затоа што е се потешко да се толерираат постојани
одложувања и неквалитетни транспортни услуги. Бидејќи потребата за транспорт постојано
се зголемува, општеството не може да реагира само со изградба на нова инфраструктура и
отворање пазари.
Транспортниот систем мора да се прилагоди да ги задоволи потребите за поширок
одржлив развој, како што е наведено во заклучоците на Европскиот Совет во Гетеборг.
Современиот транспортен систем мора да биде одржлив од економски и социјален аспект,
како и од аспект на заштитата на животната средина.
Ефикасниот јавен превоз обезбедува низа економски придобивки што го збогатуваат
животниот стандард преку повеќекратните ефекти, како што се подобра пристапност до
пазарите, вработување и дополнителни инвестиции.
Улогата што јавниот градски превоз ја има во економијата, придонесе во изминативе
децении, континуирано да се вложува во развојот на оваа дејност заради унапредување на
квалитетот на услугите, како и воведување на иновации за подобро да се одговори на
барањата на корисниците.
Во вакви услови, квалитетниот јавен превоз, се наметна како незаменлив дел од
современото живеење. А главниот предуслов за развиен јавен градски превоз е добриот
возен парк како и добрата патна инфраструктура, која не ретко се споредува со крвотокот
на едно модерно општество.
Но, честопати во поголемите урбани средини организирањето и функционирањето
на квалитетен јавен градски превоз побаруваат големи инвестициски проекти кои се од
витално значење за корисниците на ЈГП.
Посебен акцент треба да се стави на интегрираноста на јавниот градски превоз со
другите видови на транспорт, како би се задоволиле принципите на единственост,
економичност и ефикасност во транспортната услуга.
Овие капитални инвестиции несомнено ќе имаат директно влијание врз животот на
граѓаните, следствено ќе се зголеми мобилноста, но исто така, ќе се зачуваат принципите
на одржливиот развој и ќе се намалат транспортните трошоци.
Во последниве години, неколку финансиски институции во Европа и пошироко
изразија подготвеност да помогнат за решавање на проблемите на постојните системи на
јавниот градски превоз во некои градови од нашата земја преку промовирање на
Мерита Мустафаи -АНАЛИЗА НА ТРОШОЦИ И ДОБИВКИ ОД ОПТИМИЗАЦИЈА НА ЈГПП ВО ТЕТОВО
6
принципите на одржлив развој преку финансирање на планови за одржлив развој и други
плански документи.
Од претходно кажаното е повеќе од јасно дека постојните системи на јавен градски
превоз во македонските градови каде што ги има, не се доволно функционални и ефикасни
и не го пратат порастот и развојот, како и динамиката на транспортните потреби на
корисниците. Национално законодавство за заштита на животната средина е клучно и
потребно е да содејствува со барањата и критериумите за животната средина на ЕУ.

Item Type:	Thesis (Doctoral)
Subjects:	Scientific Fields (Frascati) > Engineering and Technology > Other engineering and technologies
Divisions:	Faculty of Technical Sciences
Depositing User:	Prof. d-r. Verica Dancevska
Date Deposited:	08 Jun 2026 08:38
Last Modified:	08 Jun 2026 08:38
URI:	https://eprints.uklo.edu.mk/id/eprint/11617

Actions (login required)

View Item